октомври 21, 2021

Холандскиот премиер: Унгарија нема што повеќе да бара во ЕУ

Холандскиот премиер Марк Руте изјави дека Унгарија, со својот дискриминаторски закон кон ЛГБТ заедницата, нема „повеќе што да бара во Европската Унија“.

„За мене (со овој закон) тие (Унгарците) повеќе нема што да бараат во ЕУ, но не одлучувам сам. Има уште 26 земји“, им кажа Руте на новинарите и додаде дека ЕУ е „заедница на вредности“.

Парламентот на Унгарија кон средината на јуни изгласа закон со кој се забранува „промовирање“ на хомосексуалноста меѓу малолетници.

Лидерите на 16 земји членки на ЕУ апелираа денес, пред самитот во Брисел, на „почитување на основните вредности“ на Унијата.

Сподели
  •  
  •  
  •  
  •  
  •  
  •