септември 28, 2021

Обвинение за гинекологот од Струга кој 7 години прегледувал пациентки во својот дом

Обвинителството во Струга поднесе обвинителен акт против гинекологот од Струга, кој во својата куќа имал ординација и прегледувал пациентки, без да има има дозвола за работа.

„Основното јавно обвинителство Струга денеска до надлежниот суд достави Обвинителен акт против 54 – годишен жител на Струга, кој го сторил кривичното дело – Давање здравствени услуги без дозвола за работа од член 304 – а од Законот за здравствена заштита.

Како здравствен работник – доктор специјалист по гинекологија и акушерство, обвинетиот давал здравствени услуги во простор за кој немал дозвола за работа. Имено, тој во просторија во неговата семејна куќа во која живее, подготвил ординација која не била регистрирана и означена. Здраствените услуги обвинетиот ги давал од 2013 до 2020 година со тоа што ги водел контролите на бременоста на повеќе пациентки. За извршените прегледи обвинетиот наплатувал по 1.000 денари од пациентките, а за примените средства не издавал никаков доказ, информираат од обвинителството.

Оттаму додаваат дека на докторот му е забрането да врши здравствена дејност.

-При извршен надзор на Државниот санитарен и здравствен инспекторат при Министерството за здравство на 16 јануари 2020 година, било констатирано дека за опремената ординација докторот не поседувал дозвола за работа, по што му било врачено Решение со кое му било забрането во неа да врши здравствена дејност, информираат од Обвинителството.

Сподели
  •  
  •  
  •  
  •  
  •  
  •