октомври 22, 2021

Несреќа во синагога на Западниот брег, се сруши трибина (ВИДЕО)

Инцидентот се случил во населбата Гиват Зев, северно од Ерусалим, пренесува „Ројтерс“.

Најмалку едно лице загина, а повеќе од 60 беа повредени, од кои некои критично, кога трибина за седење се сруши вечерва во преполната синагога во еврејска населба на Западниот брег, објави израелската служба за итни случаи „Маген Давид Адом“.

Инцидентот се случил во населбата Гиват Зев, северно од Ерусалим, пренесува „Ројтерс“.

Портпарол на службите за итни случаи изјави дека околу 10 лица се сериозно повредени.

Според портпаролот на полицијата, 650 верници биле во синагогата во тоа време, за почетокот на еврејскиот празник Шавуот.

На безбедносните снимки се гледа како се руши преполната трибина и луѓе паѓаат едни врз други.

Инцидентот се случи неколку недели по стампедото на верска прослава во северен Израел, кога загинаа 45 ултраортодоксни Евреи.

Сподели
  •  
  •  
  •  
  •  
  •  
  •