јуни 20, 2021

Петмина пратеници од владејачката коалиција побараа од Пендаровски да не го потпише Указот за законот за дивоградби

Со ургентно писмо петмина пратеници од владејачката коалиција побараа од претседателот на државата Стево Пендаровски да не го потпишува Указот за новиот Законот за утврдување на правен статус на бесправно изградени објекти, донесен во вторникот.

Потпис на писмото ставија Моника Зајкова и Боби Мојсовски, пратеници на Либерал-демократската партија, Маја Морачанин и Мирослав Богдановски од ДОМ, како и пратеникот од Демократскиот сојуз, Павле Трајанов.

Антикорупциската комисија, пак, најави дека ќе поднесе иницијатива до Уставниот суд за преиспитување на одредбите на овој Закон.

Во, меѓувреме, не стивнуваат ни реакциите во јавноста околу ова контроверзно законско решение со кое ќе се овозможи легализација на сите дивоградби што ќе се подигнат до неговото објавување во Службен весник и стапување во сила, што значи и оние во заштитени подрачја, извори на вода, национални паркови и слично. Исклучок се само објектите за живеење, нивните доградби и надградби, како и градботе во заштитениот појас на Охрид.

За завршување на легализацијата нема рок, а предвидено е плаќање на редовните комуналии зголемени за 50 проценти.

Сподели
  •  
  •  
  •  
  •  
  •  
  •