октомври 22, 2021

За македонскиот јазик и идентитет не може да се разговора, ѝ порачал Заев на Фон дер Лајен и побарал ЕК поактивно да се вклучи во деблокадата на преговорите

Македонскиот јазик и македонскиот идентитет наметнати како прашања од Бугарија воопшто не смее да бидат тема на разговорите и ангажманот на Брисел, а Република Македонија единствено така ќе продолжи да разговара за нејзината европска иднина, нагласил премиерот Зоран Заев на денешната средба со претседателката на Европската комисија, Урсула фон дер Лајен, соопшти владината прес-служба.

– Македонскиот идентитет освен што е прашање на гордост, тоа е и прашање на факти, наука, традиција и национално обележје на нашиот народ. Тој не е и нема да биде предмет на преговори. Европските вредности се водилка за нас, но заштита на идентитетот исто така е европска вредност, порача Заев.- Advertisements -https://fokus.mk/wp-content/uploads/ads/opel_1204/Baner_300x250.html

Заев додаде дека Република Македонија ги спроведе сите реформи, дека нивната имплементација е предмет на неколку процеси за примена на европските стандарди дома и дека се исполнети сите критериуми на ЕУ за отворање на процесот за членство.

На средбата, на која присуствуваа и заменик-претседателот во Владата за европски прашања Никола Димитров, министерот за надворешни работи Бујар Османи, премиерот Заев упатил порака до претседателката Фон дер Лајен уште поактивно вклучување на ЕК во изнаоѓање решение за деблокада на процесот за почеток на преговорите на ЕУ со Република Македонија.

Урсула фон дер Лајен потврди дека ЕК ќе се вклучи уште повеќе со суштински и посветен ангажман бидејќи, како што рече, ова е многу важен процес кој не смее да го одложи стартот на преговорите со Република Македонија за членство во ЕУ, и дека таа се залага за двете земји, Република Македонија и Албанија, заедно да ги продолжат преговорите без натамошно одлагање.

Сподели
  •  
  •  
  •  
  •  
  •  
  •