мај 18, 2021

Џафери: Не водам овде кладилница, туку државна институција

Продолжението на работата на Собранието донесе нови тензии и препукувања.

Откако спикерот Талат Џафери работата на Собранието ја продолжи со 32-та седница, пратениците на ВМРО-ДПМНЕ ја напуштија салата со што се растури кворумот. Координаторот на пратеничката група на ДПМНЕ Никола Мицевски побара да се почне со 36-тата седница, за, како што рече, да се изгласа економскиот пакет помош за граѓаните и стопанството.

-За да ја скратиме оваа драмолетка, немате кворум тоа е факт. Слабо ви е мнозинство и тоа е факт. Не се сите пратеници, тоа е факт. Ве молиме, констатирајте дека немате кворум за 32-та седница, ставете ја седницата 36 да ги изгласаме законите. Џабе тропате, граѓаните ви тропаат, ги чекаат парите, дајте да ги гласаме. Ве молиме еден месец. Ајде закажете ја 36-та седница – истакна Мицевски.

Во однос на тоа жестоко возврати спикерот Џафери, кој реагираше дека тој се однесува согласно процедурата, а не по нечии желби.

-Одбивавте да бидете во Собранието на два пати. Имаме изолирани пратеници. Од 25 март до сега не одржавте комисија за финансирање и буџет, и тука мене ми зборувате дека јас го кочам донесувањето на мерките. Тоа е срамота. Што мислите вие, дека јас јадам слама тука. Не водам кладилница, државна институција водам. Вие поднесовте 2.000 амандмани за Законот за државјанство… Ако сакам и три часа ќе зборувам, три саати ме тупите со процедурално, за што барате процедурално – револтирано рече Џафери.

Сподели
  •  
  •  
  •  
  •  
  •  
  •