април 13, 2021

Шилегов пред избори своите партиски војници ги наградува со вработување во ЈСП

Денес на седницата на Советот на Град Скопје се дискутираше по повеќе точки меѓу која беше и 10-тата точка, Предлог одлука за давање на согласност на измената на Годишниот план за вработување на ЈСП за 2021 година. Советничката група на ВМРО-ДПМНЕ и Коалицијата нагласи дека бесмислено е ЈСП во време на пандемија да вработува во администрација, кога се соочува со недостиг на возачи.

Она што сакам да го кажам на оваа точка е тоа дека вработувањата значи не запираат. И се ќе биде во ред верувајте, со искрена намера ќе гласав за оваа одлука, но доколку на оваа одлука видев дека се вработуваат она што и фали на ова јавно претпријатие најмногу, а тоа се возачите, рече советничката Ирена Мишева.

Мишева додаде дека е апсурд да се говори за вработувања во администрација додека недостасуваат возачи во ЈСП.

А, сега зборуваме за вработување на администрација. Јас искрено се прашувам колку ќе опстане ова јавно претпријатие, бидејќи малку во пензија заминуваат, а многу нови се предвидуваат. Меѓу тоа со оглед дека јас мислам дека ова јавно претпријатие најмногу настрада од сите јавни претпријатија со КОВИД кризата. Ова јавно претпријатие претрпува навистина многу финансиски загуби речиси година дена. И искрено мислам дека навистина треба да се размисли дали понатаму се потребни нови вработувања, нагласи Мишева.

Во расправата на оваа точка дискутираше и советничката Јелена Жугиќ која потенцираше дека не знае како ќе издржи ова јавно претпријатие ако вработува нови 175 лица и тоа само администрација. И не знае како Советот на Град Скопје очекува дека советничката група на ВМРО-ДПМНЕ и Коалицијата ќе поддржи веков предлог.

Ние сите сме свесни дека во времево на пандемијата ЈСП е можеби најмногу погодено, постојано опстојува благодарение на субвенциите на Градот Скопје. И сега се соочуваме со 175 нови вработувања. Знаеме за кој тип на вработувања се тие. Од кои што само 41 има пензионирање еве сосема е логично да се пополнеа тие места, на оние вработени кои што одат во пензија, и да не се оптеретува додатно со исплаќање на плати и придонеси. За жал гледаме дека најголемиот дел од планираните вработувања се во администрација и тоа за помош на директорот, а не како што рече и советничката Мишева онаму каде што е најпотребно, а тоа е зголемен број на возачи, појасни Жугиќ.

Жугиќ посочи дека да се вработи поголем број на возачи, граѓаните немаше да се соочуваат со метежи по автобусите и немаше да има потенцијални кластери во време на КОВИД пандемијата.

Не знам колку е потребен во овој момент во услови на пандемија соработници за секундарна продажба, за примена за закон на јазик, инженери за инвестиции, раководители на сектори, сметководство, работник за обезбедување на имоти и лица, работник за изгубено/ најдено, за правни работи, човечки ресурси, референти по статистика, раководители на одделенија за општи работи итн. Навистина од една страна му помагаме на ова јавно претпријатие, и треба да му помагаме и секогаш сме биле на страна на ова јавно претпријатие, а од друга страна овие 175 нови вработувања излегува дека ние свесно сакаме да го распаднеме ова претпријатие, рече Жугиќ.

Советничката Светлана Колариќ во дискусијата посочи дека Шилегов сега своите партиски војници ги наградува со вработување во ЈСП, во претпријатие кое што е на раб на егзистенција и опстојува со субвенции.

Сега се соочуваме со измена на планот за вработување во ЈСП каде што од приложените прилог листи може да видиме дека станува збор за огромен број на вработување на административни работници. И кога се прочепка по пријатели, свиркачи, дослушници, сите тие велат дека станува збор за партиски вработувања, нагласи Колариќ.

Колариќ додаде дека треба да има ред на вработувањето, сите можни граници веќе се преминети. Сега немате пакети, па мафтате со луѓе. Ниту едно јавно претпријатие нема да издржи толку вработувања.

Денес на оваа седница имаме предлог одлука за давање согласност за измена на Годишниот план за вработување во ЈСП за 2021 година, и често ни се случува ваква точка на дневен ред да имаме и често се случува градоначалникот кога ќе земеме збор да каже ама ова е само план. Дури и само да е план за вработување ако ги разгледате и изброите работните места кои што се во план вкупно на број 175 само 41 од нив е возач на автобус. Едно јавно претпријатие на кое што основна дејност му е транспорт на луѓе од вкупниот број на луѓе планирани кои што ќе се вработат се само 23%“,истакна советничката Ирена Попова.

Попова рече дека не знае каде е логиката на овој План за вработување во време на пандемија, кога возачите не можат одмор да си земат бидејќи се премалку.

Сподели
  •  
  •  
  •  
  •  
  •  
  •