јули 23, 2021

Пендаровски му реплицира на Филипче: Тешко дека слики на граѓани кои бараат здравствена заштита во странство се за фалење

стево-пендаровски

Претседателот Стево Пендаровски во целост се согласува со изјавата на министерот за здравство, Венко Филипче дека сликите од Србија изминатиот викенд се израз на солидарност, но, тоа е солидарност која државата Србија ја покажа кон десетина илјади наши граѓани, реагира претседателот Пендаровски на изјавата на Филипче во која го нападна дека не било срам што македонски граѓани се вакцинирале во Србија.

-Меѓутоа, тешко дека тие слики на наши граѓани кои бараат здравствена заштита во странство, откако не ја добија во сопствената земја, се за фалење. Во однос на процесот на набавка на вакцини, претседателот Пендаровски е крајно зачуден што министерот Филипче свесно не го споменува фактот дека првичните контакти со најголемите фармацевтски компании, кон крајот на декември минатата година се направени преку Кабинетот на претседателот и од тогаш до денес претседателот Пендаровски е активно вклучен преку дипломатските канали во процесот за набавка на вакцините, што инаку е примарна надлежност токму на министерот за здравство, се вели во реакцијата од Кабинетот на Пендаровски.

Сподели
  •  
  •  
  •  
  •  
  •  
  •