април 15, 2021

Србија оди во карантин од утре во 12 часот до понеделник во 6 часот

До понеделник во 6 часот наутро ќе работат само продавници за храна, лекови и горива, соопшти епидемиологот д-р Предраг Кон.

Во Србија од утре во 12 часот до понеделник во 6 часот ќе работат само продавниците за храна, лекови и гориво, реши на денешната седница Кризниот штаб за сузбивање на коронавирусот.

– Донесена е и одлука кафулињата и продавниците на ски-центрите и планините да не работат за време на викендот, додека во остатокот од земјата сите продажни објекти ќе бидат отворени до сабота напладне, а од тогаш до понеделник во 6 часот наутро ќе работат само продавници за храна, лекови и горива – соопшти епидемиологот д-р Предраг Кон.

Тој вели дека долгорочно затворање не е опција за Србија, а денешната одлука е поради Задушница, која е утре.

Тој исто така кажа дека од понеделник средните училишта ќе се префрлат на часови преку Интернет и најави дека следните мерки поради влошување на ситуацијата со епидемијата на коровирус ќе се разгледаат на следниот состанок на Кризниот штаб закажан за вторник.

Тој оцени дека епидемиолошката ситуација не може да влијае врз вакцинацијата, која е најдобар начин за превенција против оваа болест, додавајќи дека за стекнување на колективен имунитет треба да се вакцинираат околу пет милиони жители, што преставува 80 отсто на населението во Србија.

Сподели
  •  
  •  
  •  
  •  
  •  
  •