јуни 23, 2021

Владата ги објави фирмите кои добиле државна помош, а не исплатиле плата

Владата ја објави листата на фирми кои добиле државна помош, а не исплатиле плати на вработените во декември. УЈП испрати опомени до фирмите, а доколку платата не биде исплатена, сметките на компаниите ќе бидат блокирани.

Од оние што не исплатиле плата на вработените, а добиле помош, во декември, 78 компании се од дејноста трговија на мало кои примиле помош во износ од 2.219.584 денари, а не исплатиле плата на 145 вработени, 44 фирми се од дејноста подготовка на оброци и служење храна кои примиле 2.239.825 денари и не исплатиле плата на 130 вработени, 26 фирми се од градежништвото кои добиле помош од 944.106 денари и не исплатиле плата на 57 вработени.

Меѓу фирмите кои ја злоупотребиле финансиската поддршка се и од транспортната дејност, трговија на големо, трговија на големо и мало со моторни возила и мотоцикли и услужни дејности.

Директорката на Управата за јавни приходи Сања Лукаревска во четвртокот информира дека се пратени опомени до компаниите, и предупреди доколку не ја исплатат пмошта, ќе следи присилна наплата со блокада на паричните средства на нивните сметки и пренос на средствата на сметките на вработените и уплатните сметки на УЈП.

Во декември лани 13.162 компнии добиле државна поддршка за 60.986 вработени во износ од 961.865.357 денари (15,6 мил. евра).

Сподели
  •  
  •  
  •  
  •  
  •  
  •