јули 25, 2021

СП: Целта е остварена, Македонија забележа победа против Чиле!

Бевме свесни дека реми не ни одговара, па за пласман во вториот круг на Светското првенство моравме да бркаме триумф, и тоа го направиме во директната пресметка за третото место во групата „Г“ со резултат 32:29 против Чиле.

Во првите пет минути од првото полувреме противникот покажа цврста и агресивна одбрана, водеше минимално со 2:1, иако расположен уште од почетокот беше нашиот Митревски со четири одбрани.

Но, тој момент не го искористивме во наша корист, Стоилов доби исклучување после направен прекршок, а со погодокот на Ајала од крило, Чилеанците имаа и „плус два“ од 4:2 во деветтата минута од средбата.

Митревски ја забележа и петтата интервенција, а во наредната 10 минута успеавме да израмниме преку крилото Костески кој го запиша вториот гол. Ривалот не се предаваше и секоја наша грешка ја казнуваше со успешна контра за повторно јужноамериканскиот претставник да се одвои на два разлика (6:4).

Костески беше најрасположениот стрелец, веќе дојде до четвртиот гол на мечот за нов егал (7:7) после 16 минути игра. Проблем за нас беше веќе и второто исклучување на Стоилов, а Чиле и натаму одржуваше минимална позитива.

Следуваше подобар и посмирен напад од нашата селекција, тоа резултираше со прво водство од 10:9 со голот на Лазаров од пенал. Но, следуваше повторно пад на концентрација, дозволивме Чилеанците да се одлепат, водеа со 16:14, а после првото полувреме на пауза да заминат со 17:16.

Од почетокот на вториот дел се играше гол за гол, ние бевме сега тие кои водевме, но и натаму не можевме да стекнеме поголема позитива од еден разлика, а радуваше и 10 одбрана на голманот Митревски.

При 23:22 во незгоден момент исклучен на две минути беше Крстевски, но го прежиеавме тој период, и имавме напад за зголемување, тоа го направиме благодарение на Кузмановски (24:22). Втората голманска опција Томовски во одличен момент одбрани удар од седум метри, тоа го искористивме со нов гол на пивотот Пешевски кој редеше погодоци за највисоки 26:23 во 48 минута.

На 10 минути до крајот на мечот имавме 27:25, постигна гол Кузмановски, а потоа нова радост на клупата поради 13 одбрана на Митревски. Чилеанците свесни дека се ближи крајот на средбата, играа со тактика „7 на 6“ во нападот и тоа функционираше, немавме решение за Салинас.

Полека првата победа се најавуваше после само вториот гол на Стоилов, на нешто повеќе од две минути до крајот (31:27), а точка на мечот се стави со цепелинот на релација Кузмановски – Лазаров за освојување на бодови и пласман во следната фаза.

Светско првенство 2021

Група „Г“, 3 коло

Македонија-Чиле 32:29 (16:17)

Македонија: Митревски (14 одбрани, 1 седмерец), Томовски (2 одбрана, 2 седмерец) Мишевски 1, Кузмановски 4, Костески 5, Стоилов 2, Лазаров 8, Крстевски 2, Димитриоски 3, Пешевски 5, Поповски 1, Маркоски 1.

Сподели
  •  
  •  
  •  
  •  
  •  
  •