јануари 27, 2021

Бочварски: Забрзано се гради автопатот Кичево-Охрид, заштедени 95 милиони евра

Министерот за транспорт и врски Благој Бочварски во емисијата 24 Анализа на ТВ 24, рече дека автопатот Кичево-Охрид е еден од проблематичните наследени проекти, за кој немало проекти за клучки и имало куп недоследности, како неутврдувањето косини, градење без геомеханички испитувања, како и правење тунел кај што не треба да има.

Сега, вели, сите проблеми се отстранети, завршени се сите проекти за осум клучки.

Дваесет и пет отсто од трасата беше репроектирана и во вториот квартал од оваа година е регистриран сериозен прогрес на автопатот Кичево-Охрид, таму на терен работат 820-850 работници и 470 градежни машини секој ден, истакна Бочварски.

Тој додаде дека се намалени трошоците за изградба на овој патен правец, од оние што во четири очи ги договараа Миле Јанакиески и Никола Груевски, за што слушнаа сите граѓани.

Заштедата на Владата на СДСМ за автопатот Кичево-Охрид е до 95 милиони евра, истакна министерот за транспорт и врски Благој Бочварски.

Сподели
  •  
  •  
  •  
  •  
  •  
  •