декември 5, 2020

Трамп забрани инвестиции за Кина, Пекинг му честиташе на Бајден

Официјален Пекинг денеска упати честитки до новоизбраниот претседател на САД, Џо Бајден. Објавата следува непосредно по забраната на актуелниот претседател за американски инвестиции во кинески компании .

Сподели
  •  
  •  
  •  
  •  
  •  
  •  

Кина беше една од ретките земји, која досега не реагираше на резултатите на претседателските избори во САД и му немаше честитано на новоизбраниот претседател Џо Бајден. Но денеска министерството за надворешни работи на Кина соопшти дека им упатува честитки на новоизбраниот претседател на САД Џо Бајден и новоизбраната потпретседателка Камала Харис, кои  победија на изборите на 3 ноември, што претседателот Доналд Трамп одбива да го прифати.

„Го почитуваме изборот на американскиот народ. Му упатуваме честитки за господинот Бајден и г-ѓа Харис “,  изјави портпаролот на министерството за надворешни работи во Пекинг,  Ванг Венбин на редовниот дневен брифинг за новинарите. .

„Ние разбираме дека резултатите од изборите во САД ќе бидат утврдени според законите и процедурите на САД “, додаде тој.  

Кина, досега беше во групата земји, како Русија, Бразил и Мексико, кои не му упатија честитки на новоизбраниот претседател на САД. 

Денешната објава на официјален Пекинг доаѓа неколку часа откако актуелниот претседателот на САД, Доналд Трамп, им забрани на Американците да вложуваат во кинеските компании кои неговата влада ги обвини за поддршка на воените активности на Пекинг.

Сподели
  •  
  •  
  •  
  •  
  •  
  •