ноември 27, 2020

Полицијата во Авињон убила човек што ги нападнал со нож извикувајќи „Алаху акбар“ (ВИДЕО)

Маж со нож наводно нападнал група полицајци кои патролирале на улиците во Авињон, Франција, по што полицајците отвориле оган убивајќи го напаѓачот, пренесува РТ.

Нападот се случил приближно во 11.15 часот по локално време. Според француските медиуми, напаѓачот извикувал „Алаху акбар“ додека трчал кон полицајците.

Полицијата првично употребила несмртоносна муниција за да го запре напаѓачот, но била принудена да отвори оган со вистинска муниција кога тој директно ги нападнал полицајците.

Инцидентот се случи набргу по нападот во базиликата во областа Нотр Дам во Ница, во кој три лица беа убиени од човек вооружен со нож.

Истрагата за инцидентот во Авињон е почната.

Во меѓувреме, француските дипломатски власти во Саудиска Арабија потврдија обид за напад со нож во конзулатот во Џеда.

Наводниот сторител бил приведен. Во инцидентот е повреден еден чувар, кој е пренесен во болница.

„Напаѓачот беше уапсен од саудиските безбедносни сили веднаш по нападот. Чуварот е пренесен во болница и неговиот живот не е во опасност”, напиша француската дипломатска мисија во Саудиска Арабија на „Твитер“.

Сподели
  •  
  •  
  •  
  •  
  •  
  •