октомври 25, 2020

Влада: Нема патување во Србија, БиХ, и Црна Гора без ПЦР тест

граница-1

Владата на Република Македонија ги известува граѓаните дека согласно влошувањето на состојбата со КОВИД-19 пандемијата во регионот и големиот број на нови позитивни случаи, влезот на македонски граѓани во Србија, Црна Гора и Босна и Херцеговина нема да биде дозволен без приложување негативен ПЦР тест кој не е постар од 48 часа од моментот на влез во овие земји.

Можноста за влез на македонски државјани во Косово без ПЦР тест останува, но Владата апелира до граѓаните да не патуваат надвор од земјата доколку немаат неодложна потреба за тоа.

Владата и здравствените власти, согласно новонастанатата епидемилошка состојба во регионот, во деновите кои следат ќе ја ревидираат одлуката за влез на државјани на Косово, Србија, Црна Гора и Босна и Херцеговина во Македонија, без ПЦР тест.

Инаку попладнево вицепремиерот Артан Груби најави дека од полноќ граѓаните ќе може слободно да патуваат во земјите во регионот без ПСР тест. 

Сподели
  •  
  •  
  •  
  •  
  •  
  •