октомври 26, 2020

Случај „Монструм”: Ново рочиште со искази на сведоци на одбраната

Случајот „Монструм“ за петкратното убиство кај Смилковското Езеро во април во 2012 година продолжува денеска со рочиште што е резервирано за сведоци на одбраната на обвинетите.

Судскиот предмет е во фаза на доказна постапка. На претходните рочишта се појавија полициски службеници од Крим техника, од Одделениото за претрес, односно од Центарот за известување и командување на МВР. Заедничко за сите нив беше дека не се сеќават добро на настанот од причина дека се поминати повеќе години.

За убиството на момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски во април во 2012 година обвинети се Алил Демири и Африм Исмаиловиќ (во бегство) и Агим Исмаиловиќ, Фејзи и Хаки Азири и Сами Љута.

Судењето за овој предмет го води судската двојка Огнен Ставрев и Осман Шабани, додека обвинението го застапуваат обвинителите Фатиме Фетаи и Гаврил Бубевски.

Сподели
  •  
  •  
  •  
  •  
  •  
  •