Трамп: Пентагон води војни за профит на воената индустрија

Американскиот претседател Доналд Трамп јавно го нападна воениот врв на вооружените сили на САД и го обвини Пентагон за водење војни со цел да се зголеми профитот на воената индустрија, пренесе Еј-би-си.њуз

Како што рече, првите луѓе на Министерството за одбрана сакаат да продолжат да водат војни со цел за да ги држат контракторите „среќни“.

„Знам дека военото раководство не е во љубов со мене, но војниците се. Раководството на Пентагон секако не е затоа што тие не сакаат ништо друго освен да водат војни, за сите оние „прекрасни“ компании во индустријата за вооружување, кои произведуваат бомби, ракети и авиони, да бидат среќни и задоволни, рече Трамп на прес-конференција во Белата куќа.