октомври 21, 2020

Охридскиот суд му го продолжи притворот на Усеини

Нефи

Охридскиот суд одлучи да останат во притвор уште 30 дена,  советникот Нефи Усеини и неговиот брат. Од судот велат дека го прифатиле предлогот на обвинителствто кое побара продолжување на притворот поради опасност на бегство, откако поднесе обвинение против двајцата осомничени за насилство.  Одбраната има право на жалба.

Според обвинението, браќата го повикале оштетениот на средба во познат охридски хотел, но расправијата почнала уште во автомобилот со кој дошол Топаловски. Продолжиле на паркингот каде вербалната пресметка преминала во физичка.

“На еден од обвинетите од пантолоните му испаднал  тврд предмет во облик на пиштол, кој потоа го зел вториот обвинет. Оштетениот со тупаници бил удиран во пределот на главата и телото пред влезот на хотелот и внатре, каде обвинетите  во пределот на главата го удирале и со тврдиот предмет во облик на пиштол.  По извршеното насилство со кое на оштетениот му биле нанесени телесни повреди, обвинетите го напуштиле местото на настанот” – соопшти ОЈО Охрид.

На овој начин извршиле грубо насилство врз жртвата а кај присутните гости и вработени во хотелот предизвикале чувство на несигурност, загрозување и страв, велат од обвинителството.

Сподели
  •  
  •  
  •  
  •  
  •  
  •