Меркел: Ќе го завршиме “Северен поток 2” и покрај санкциите од САД

Ангела Меркел вели дека Северен тек 2 е важен за германската покраина Мекленбург-Западна Померанија, каде е и изборната единица на канцеларката.

Германската канцеларка Ангела Меркел изјави дека нејзината влада е решена да ја заврши изградбата на гасоводот „Северен поток 2“, и покрај обидите на САД да го запрат проектот. Таа изрази решеност да го заврши гасоводот за време на посетата на нејзините избирачки места во северна Германија, зборувајќи за санкциите што ги воведе Вашингтон врз учесниците во изградбата на гасоводот, кој треба да испорача 55 милијарди кубни метри природен гас од Русија до Германија и поширокиот европски пазар. „Ние не ги сметаме за прифатливи санкциите што ја преминуваат територијата на САД“, рече Меркел во Стралзунд.

Северен поток 2 е важен за германската покраина Мекленбург-Западна Померанија, каде се наоѓа изборната единица на канцеларката.

Соединетите држави започнаа со санкции

Цевките потребни за изградба на проектот се испорачуваат од малото пристаниште Сасниц, а по завршувањето на изградбата се очекува руски гас да пристигне во крајбрежниот град Лубмин. Соединетите држави тврдат дека „Северен поток 2“ ќе ја зголеми енергетската зависност на Европската унија од Русија, давајќи и на Москва моќен политичка лост на европскиот континент и алатка за потенцијално прекинување на снабдувањето со енергија. Критичарите ги обвинуваат САД дека се обидуваат да ја принудат Германија да купува природен гас од САД по повисока цена отколку од Русија. Минатата година Соединетите држави започнаа да воведуваат санкции за проектот „Северен поток 2“. Минатиот месец, тројца американски републикански сенатори му напишаа писмо на пристанишниот оператор во Сасниц, предупредувајќи го дека може да се соочи со „разорни“ санкции при обезбедувањето на стоки, услуги и поддршка за изградба на гасоводот. Овие таканаречени секундарни санкции може да значат економска пропаст за пристаништето.