мај 18, 2022

Зибери разрешен за злоупотреба на функцијата, ДУИ обвинува за политичка одмазда

Тридневните препукувања меѓу директорот на Центарот за јавно здравје – Скопје и министерот Филипче, завршија со разрешување на Арбен Зибери. Разрешувањето следи откако Зибери на фејсбук се пофали дека тој лично, како член на Комисијата за заразни болести, издејствувал  да се отворат границите за иселениците да можат да се вратат дома и да гласаат на изборите за премиер Албанец, без притоа да мора да бидат тестирани и да одат во 14-дневна изолација. Министерот изјави дека нема да дозволи никој да поентира политички со злоупотреба на функцијата.

Зибери вчера го обвини Филипче дека сака да го разреши затоа што неговиот чичко, Насер Зибери, е кандидат на ДУИ за премиер. Денеска излезе со соопштение во кое вели дека, и` служел на оваа земја со голема лојалност и посветеност.

Од ДУИ остро го осудија потегот на Филипче, велејќи дека е пресметана одмазда со дневно- политичка цел, насочена против семејството на кандидатот за премиер, Насер Зибери.

Ова е четврто разрешување на директор од страна на Филипче, од почетокот на кризата со корона вирусот. На местото на Зибери, за в.д. директор назначен е д-р. Александар Стојанов, епидемиолог од Центарот за јавно здравје

Сподели